Os ensaios son cada vez máis intensos, en maio iniciamos a gravación da obra deste ano que, ao non poder ser en formato teatral tradicional, sobre o escenario e con público, adopta unha forma alternativa; pero seguro que este elenco, coma sempre, consegue emocionarnos e abraiarnos co seu bo facer. Desde logo, están traballando duro para conseguilo!
O personaxe de Muff Potter está encarcerado... probas de ensaio “tralas reixas”:
Algúns dos alumnos de Bacharelato ensaiaron a lectura e declamación dos seus poemas, como representantes e finalistas da súa etapa nos Xogos Florais deste curso:
Os poetas e poetisas de primaria preparan a súa declamación no primeiro ensaio do Acto dos Xogos Florais
Proximamente terá lugar o acto de Declamación de poemas dos Xogos Florais, nesta edición 2021. Neste acto, os gañadores e finalistas lerán os seus poemas, e serán entregados os premios correspondentes.
Xa empezamos coa preparación dos poetas para a gravación do acto, coa que cumpriremos con todas as medidas de prevención impostas pola situación Covid.
Mentres esperamos este acto, deixámosvos algunhas das imaxes desta preparación de poetas:
